Ozurgetidə vəftiz məclisində qarşıdurma: polisə hücum edən iki nəfər saxlanılıb

Ozurgetidə vəftiz məclisində baş verən qarşıdurma zamanı polis əməkdaşını döyərək hadisə yerindən qaçan iki nəfər Daxili İşlər Nazirliyi tərəfindən saxlanılıb.

Polisə qarşı qrup şəklində zorakılıq törətməkdə ittiham olunan 2006-cı il təvəllüdlü L.Ç. və 1997-ci il təvəllüdlü D.S. ələ keçirilib.

Xeber.ge xeber  verir ki, qurumun məlumatına görə, istintaqla müəyyən edilib ki, cari ilin 27 yanvar tarixində Ozurgetidə yerləşən restoranların birində qarşılıqlı mübahisə zəminində təqsirləndirilən şəxslər qrup şəklində polis əməkdaşına qarşı zorakılıq tətbiq ediblər.

Hüquq-mühafizə orqanlarının əməkdaşları cinayət işi üzrə keçirdikləri əməliyyat-axtarış və istintaq tədbirləri nəticəsində L.Ç. və D.S.-ni yanvarın 31-də Tbilisidə şübhəli şəxs qismində saxlayıblar.

Faktla bağlı Gürcüstan Cinayət Məcəlləsinin 126-cı maddəsinin birinci hissəsinin "b" bəndi (qrup şəklində törədilən zorakılıq) ilə istintaq aparılır.