Nika Melianın məhkəmə prosesi ehtimal ki, təxirə salınacaq

Birləşmiş müxalifətin liderlərindən biri olan Nika Melia 29 may tarixində təyin olunmuş məhkəmə iclasında iştirak etməyəcəyini açıqlayıb. Ona qarşı irəli sürülmüş ittiham, Tea Tsulukianinin rəhbərlik etdiyi komissiyanın iclasında iştirak etmədiyinə görə tətbiq olunan inzibati cərimənin ödənilməməsidir.

Xatırladaq ki, eyni səbəbdən həmin komissiyanın iclaslarına nə İrakli Okruaşvili, nə də Zura “Girçi” Japaridze qatılmışdı. Onlar prinsipial mövqelərinə görə cəriməni ödəməkdən imtina etmiş, nəticədə məhkəmə hər iki şəxs barəsində bir il müddətinə həbs qərarı çıxarmışdı.

Bundan sonra Nika Melia da bəyan etmişdi ki, öz məhkəmə prosesinə qatılmayacaq.

İndi isə məlum olub ki, məhkəmədə onun həbsi ilə bağlı tələb irəli sürməli olan prokurorlar da prosesə qatılmayacaqlar. Nika Melianın sözlərinə görə, vəkili Giorgi Kondaxşviliyə məhkəmədən zəng vurularaq bildirilib ki, “iki tanınmış qadın prokuror məhkəməyə yazılı şəkildə müraciət edərək bildirib ki, onlar sabah – 29 may tarixində – gün ərzində təlimdə olacaqlar və bu səbəbdən prosesdə iştirak edə bilməyəcəklər. Onlar məhkəmədən xahiş ediblər ki, bu səbəbdən iştirak etməmələri üzrlü sayılsın.”

Beləliklə, gözlənilir ki, nə prokurorlar, nə də təqsirləndirilən şəxs – Nika Melia – prosesə qatılacaq və məhkəmə iclası təxirə salınacaq.

mənbə: marneulifm