Meladze Ukraynaya yardım edir, vətəndaşlıqdan çıxarılsın

Rusiyanın tanınmış gürcü əsilli müğənnisi Valeri Meladze ətrafında qalmaqal böyüməkdədir.

Xeber.ge xəbər verir ki, “Rusiya Atalar Şurasının” rəhbəri Andrey Zqonnikov iddia edir ki, ifaçı müharibəyə qarşı çıxan və Ukrayna Silahlı Qüvvələrini maliyyələşdirən konsert təşkilatçıları ilə əlaqələri var.

Hazırda Rusiya Federasiyasının Baş Prokurorluğu, İstintaq Komitəsi və Ədliyyə Nazirliyi bu məlumatı araşdırır. Şübhələr təsdiqlənərsə, Meladze “xarici agent” elan oluna, Rusiyaya girişinə qadağa qoyula və hətta Rusiya vətəndaşlığından məhrum edilə bilər.

Qeyd edək ki, Valeri Meladze artıq uzun illərdir ki, Rusiyada yaşamır. 2023-cü ildə Rusiyanın Təhlükəsizlik və Korrupsiyaya Qarşı Mübarizə üzrə Federal layihənin rəhbəri Vitali Borodin 60 yaşlı müğənninin "xarici agent"lər siyahısına daxil edilməsi tələbi ilə baş prokurora müraciət edib.

mənbə: axar.az