Marneuli-Alqeti-Əzizkənd yolunda ağır yol qəzası baş verib

Marneuli-Alqeti-Əzizkənd avtomobil yolunda yol-nəqliyyat hadisəsi baş verib.

Yksək sürətlə hərəkət edən Opel markalı avtomobil idarəetməni itirərək yoldan çıxıb və yol kənarındakı dərəyə aşıb.

Hadisə zamanı avtomobildə iki nəfər gəncin olduğu bildirilir. Şahidlərin sözlərinə görə, hər iki şəxs ağır vəziyyətdə xəstəxanaya çatdırılıb.

Qəza ilə bağlı hadisə yerinə polis əməkdaşları cəlb olunub. Faktla bağlı araşdırma aparılır.

mənbə: interpress