Məhkəmə 13 yaşlı qıza qarşı zorakılıq edən müəllimə hökm oxudu

13 yaşlı qıza qarşı əxlaqsız hərəkətlər etməkdə ittiham olunan rəqs müəlliminə 11 il azadlıqdan məhrumetmə cəzası kəsildi. Qərarı Senaki Məhkəməsinin hakimi Levan Nutsubidze çıxarıb.

XEBER.GE xeber  verir ki, bu barədə məlumatı zərərçəkən qızın əmisi sosial şəbəkədə yayıb.

Zərərçəkənin əmisi "Tabula"ya bildirib ki, iş üzrə daha 2 zərərçəkən şəxs də üzə çıxıb.

"Boyundan öpmək — "dostluq konteksti". Sərhədləri keçmək — yəqin ki, "xüsusi istilik". Və adi bir insanın tamamilə başqa ad verəcəyi hər şey, söz oyunu ilə sən demə, adi münasibət kimi qələmə verilməli idi. [...] Onu üç vəkil müdafiə edirdi. Bu onların hüququdur. Lakin görünür, üç vəkil də 11 illik azadlıqdan məhrumetmə cəzasını "dostluq kontekstinə" çevirə bilmədi.

Bu gün məhkəmə öz qiymətini verdi. 11 il.

Bəzən insanın öz sözləri ona ən acı şəkildə qayıdır — xüsusən də uşağın sərhədlərini pozmağı "dostluq" pərdəsi altında gizlətməyə çalışanda. Uşağın etibarı oyuncaq deyil", — deyə zərərçəkənin əmisi sosial şəbəkədə yazır.