İtaliyada Gürcüstan vətəndaşı saxlanıldı

İtaliyada 57 yaşlı Gürcüstan vətəndaşı saxlanılıb. O, oğurluğa cəhd, saxlanılarkən hüquq-mühafizə orqanlarının əməkdaşlarına müqavimət göstərmək və dövlət məmuruna qarşı fiziki zorakılıq etməkdə şübhəli bilinir.

 XEBER.GE xəbər verir ki, məlumata görə, polis həmin şəxsi avtomobili oğurlamağa cəhd etdiyi vaxt aşkarlayıb. İddialara əsasən, qaçmaq məqsədilə o, bıçaq çıxararaq həm avtomobil sahibini, həm də polis əməkdaşını hədələyib.

Saxlanılan şəxsin üzərində alüminium folqaya bükülmüş, mənşəyi qanunsuz olduğu ehtimal edilən mobil telefon da aşkarlanıb.

Gürcüstan vətəndaşı hadisə yerində saxlanılıb.