Gürcüstanda gecə saatlarında avtomobil səs-küyünə görə cərimələr artırılıb

Nov 18, 2026 - 11:52
 0  9
Gürcüstanda gecə saatlarında avtomobil səs-küyünə görə cərimələr artırılıb

Yaşayış məntəqələrində gecə saat 23:00-dan səhər 08:00-dək avtomobillərin yaratdığı səs-küy üçün icazə verilən hədd 80-dən 100 desibelə qaldırılıb.

XEBER.GE xeber  verir ki, Gürcüstan Daxili İşlər Nazirliyinin məlumatına görə, qaydaları pozan sürücüləri 100-dən 300 lariyədək cərimə və sürücülük vəsiqəsindən bal silinməsi gözləyir.

Yeni qaydalara əsasən, yaşayış məntəqələrində gecə saatlarında (23:00–08:00) nəqliyyat vasitələrinin hərəkəti zamanı yaranan səs-küy 100 desibeldən çox olmamalıdır. Nəzarət patrul polisi tərəfindən ISO 5130:2019 beynəlxalq standartına uyğun portativ ölçmə cihazları vasitəsilə həyata keçirilir.

Qaydaların pozulmasına görə tətbiq edilən cərimələr:

İlk pozuntu: 100 lari cərimə və sürücülük vəsiqəsindən 10 balın silinməsi.

Təkrar pozuntu: 200 lari cərimə və 20 balın silinməsi.

Üçüncü və hər növbəti pozuntu: 300 lari cərimə və 30 balın silinməsi.

Qurumdan bildirilib ki, hüquq-mühafizə orqanlarının əməkdaşları yol hərəkətinə nəzarəti və qaydaları pozan sürücülərin aşkarlanmasını aktiv şəkildə davam etdirəcəklər.