Gürcüstanda biraylıq HAVA PROQNOZU

Xeber.ge xeber  verir ki, Milli Ətraf Mühit Agentliyinin rəsmi məlumatına əsasən, növbəti bir ay ərzində ölkə ərazisində gözlənilən hava şəraitinin iqlim xüsusiyyətləri regional fərqlərlə xarakterizə olunur.

·         Qara dəniz sahili: Aylıq orta temperatur 21°C ilə 22°C (çoxillik norma daxilində) təşkil edəcək.

·         Regional dalğalanmalar zamanı gecə minimumu 10°C, gündüz maksimumu isə 32°C hüdudlarında dəyişəcək. Yağıntı normadan az gözlənilir.

·         Kolxeti düzənliyi: Orta temperaturun 22°C-23°C olacağı proqnozlaşdırılır. Ayın bəzi günlərində gecə saatlarında kəskin soyuma (8°C-yə qədər), gündüz isə yüksək temperatur (34°C-yə qədər) qeydə alına bilər.

·         Dağlıq və yüksək dağlıq ərazilər: Dağlarda orta temperatur 19°C-20°C, yüksək dağlıq zonada isə 14°C-15°C (normadan 1°C aşağı) olacaq. Yüksək dağlıq ərazilərdə gecə temperaturunun 0°C-yə qədər düşməsi, gündüz isə 27°C-yə qədər yüksəlməsi gözlənilir.

·         Kartli düzənliyi: Aylıq orta temperatur göstəricisi 20°C ilə 23°C arasında dəyişməklə çoxillik normaya uyğun gəlir. Gecə minimal temperatur 8°C, gündüz maksimal temperatur isə 34°C təşkil edəcək. Yağıntıların miqdarı tam norma daxilindədir.

·         Kaxeti rayonu: Bu regionda havanın orta temperaturu normadan 1°C aşağı olmaqla 20°C-21°C təşkil edəcək. Ay ərzində temperaturun 8°C (gecə) ilə 33°C (gündüz) arasında dəyişəcəyi proqnozlaşdırılır.

·         Dağlıq və yüksək dağlıq ərazilər: Dağlıq hissədə orta aylıq temperatur 18°C-19°C, yüksək dağlarda isə 14°C-15°C olacaq. Şərq zonasının ən uca zirvələrində və yüksək dağlıq yaşayış məntəqələrində gecə saatlarında -3°C-yədək şaxta qeydə alına bilər. Gündüz temperaturu isə maksimum 30°C-yə çatacaq.