Güclü yağış Acara bölgəsində təbii fəlakətlərə səbəb olub

Güclü yağış nəticəsində Acara bölgəsinin bir neçə bələdiyyəsində təbii fəlakətlər inkişaf edib.

Kedada, Doloqani kəndində yaşayış evinin uçması nəticəsində iki nəfər xəsarət alıb. Keda meriyasının məlumatına görə, ev sürüşməyə meyilli zonada yerləşirdi.

Təbii fəlakətlər Xelvaçauridə də inkişaf edib. Səhər saatlarında Maçaxela çayı məcrasından daşıb və bir neçə evi su basıb və infrastruktura ziyan dəyib.

Bələdiyyədə təbii fəlakətin aradan qaldırılması işləri aktiv şəkildə davam edir. Hadisə yerində Xelvaçauri bələdiyyəsinin meri Zaza Diasamidze olub və o, cari proseslərlə şəxsən tanış olub.

Diasamidzenin sözlərinə görə, bələdiyyə meriyasının müvafiq xidmətləri təbii fəlakətin nəticələrinin vaxtında aradan qaldırılması üçün Acara Yol Departamenti ilə koordinasiyada işləyir.

“Təbii fəlakət nəticəsində çay məcrasından çıxıb, bir neçə ev və piknik zonası su altında qalıb. Hadisə yerinə meriyanın müvafiq xidmətləri və Yol Departamentinin texnikası cəlb olunub. İşlər intensiv rejimdə aparılır. Əhali ilə daimi əlaqəmiz var və hazırki mərhələdə sakitlik qorunur”, – Diasamidze bildirib.