Daxili İşlər Nazirliyi narkotik cinayətinə görə 5 nəfəri saxlayıb

Gürcüstanın Daxili İşlər Nazirliyinin (DİN) məlumatına görə, narkotik maddələrin satışı ittihamı ilə 5 nəfər saxlanılıb.

DİN-in məlumatına əsasən, qrup şəklində əvvəlcədən razılaşdırılmış şəkildə, böyük miqdarda müxtəlif növ narkotik vasitələrin qanunsuz əldə edilməsi, saxlanılması və satışı ittihamı ilə aşağıdakı şəxslər həbs edilib:

1996-cı il təvəllüdlü Q.M.,

1981-ci il təvəllüdlü D.V.,

İordaniya vətəndaşı, 2001-ci il təvəllüdlü B.A.,

Əvvəllər məhkum olunmuş şəxslər: 1981-ci il təvəllüdlü R.M. və 1991-ci il təvəllüdlü J.D.

Cinayət 17 ilə qədər azadlıqdan məhrumetmə cəzası nəzərdə tutur.
Bəyanatda deyilir:

“Polis, saxlanılan şəxslərdən narkotik vasitələrin qanunsuz satışı ittihamı ilə, məhkəmə qərarı əsasında, bir neçə dəfə narkotik vasitələrin nəzarətli alqısını həyata keçirmiş və bu alqılar gizli audio-video yazılarla qeydə alınmışdır.

Hüquq-mühafizə orqanları saxlanılan şəxslərin üzərində və yaşadıqları evlərdə axtarış apararkən ‘heroin’ və ‘marixuana’ aşkarlayıb və müsadirə edib.”

Faktla bağlı istintaq Gürcüstan Cinayət Məcəlləsinin 260-cı və 273-cü maddələri üzrə aparılır.

mənbə: marneulifm