Çin dünyanın ilk uçan avtomobil zavodunun tikintisinə başlayıb
.jpg)
Yeni istehsalın gücü ildə 10 min ədəd səviyyəsindədir.
Xeber.ge xəbər verir ki, Çinin "XPeng" şirkəti Çinin cənubundakı Quançjou şəhərində uçan avtomobillərin tədqiqi, inkişafı və kütləvi istehsalı mərkəzini yaratmağa başlayıb.
"Sinxua" agentliyi bu barədə xəbər verib.
İstehsal obyekti "XPeng"in uçan nəqliyyat vasitələrinin inkişafında ixtisaslaşan törəmə şirkəti olan "XPENG AEROHT"un sifarişi ilə tərəfindən tikilir. Bu zavod uçan avtomobillərin kütləvi istehsalı üçün dünyada ilk baza olacaq.
İyul ayında "XPeng", "Xpeng Aeroht" layihəsini həyata keçirmək üçün Quançjou Sənaye İnkişaf Zonasında beynəlxalq inkişaf müqaviləsi bağlayıb.
İlkin mərhələdə müəssisə diqqəti təsərrüfat vasitələri üçün uçuş modullarının istehsalına yönəldəcək.
"Sinxua" agentliyinin məlumatına görə, yeni istehsalın gücü ildə 10 min ədəd səviyyəsindədir.
Bundan əvvəl Çində bu günə qədər ən kiçik dinozavr yumurtalarının tapıldığı barədə məlumat verilmişdi.
mənbə: sputnik.az
