Böyük miqdarda narkotik vasitələrin əldə edilməsi və saxlanmasına görə xarici ölkə vətəndaşları saxlanılıb

Daxili İşlər Nazirliyinin məlumatına görə, Acarıstan Polis Departamentinin əməkdaşları keçirdikləri operativ tədbirlər və istintaq hərəkətləri nəticəsində xüsusilə böyük miqdarda narkotik vasitələrin qanunsuz əldə edilməsi və saxlanması ittihamı ilə xarici ölkə vətəndaşlarını saxlayıblar.

“İsrail vətəndaşı, 1984-cü il təvəllüdlü M.K., Rusiya vətəndaşı, 2004-cü il təvəllüdlü E.M. və Belarus vətəndaşı, 1997-ci il təvəllüdlü V.N. müxtəlif vaxtlarda saxlanılıb,” – deyə məlumatda bildirilir.

Cinayətlər 20 ilədək və ya ömürlük azadlıqdan məhrumetməni nəzərdə tutur.

“Hüquq-mühafizə orqanları tərəfindən saxlanılanların üzərində və yaşadıqları evlərdə aparılmış axtarış zamanı sübut kimi xüsusilə böyük miqdarda narkotik vasitələr – 'mefedron', 'metadon' və 'alfa-PVP' aşkarlanaraq götürülüb. Həmçinin narkotik vasitələrin qablaşdırılması üçün lazım olan əşyalar da götürülüb,” – DİN bildirib.

Qurumun məlumatına görə, istintaq Gürcüstan Cinayət Məcəlləsinin 260-cı maddəsi ilə aparılır.

mənbə: marneulifm