2025-ci ilin ilk 6 ayında ən çox mənzil Didi Diğomidə və Saburtaloda satılıb
Galt & Taggartın məlumatına görə, 2025-ci ilin ilk altı ayında Tbilisidə ən çox – 4 055 yaşayış mənzili Didi Diğomidə satılıb. İkinci yerdə 3 256 satışla Saburtalo gəlir, üçüncü isə 2 664 satışla Samqori rayonudur.
Digər məlumatlara gəldikdə, 2025-ci ilin iyun ayında Tbilisidə 3 266 mənzil satılıb ki, bu da 2024-cü ilin iyun ayı ilə müqayisədə 10% artım deməkdir. İyunda bir kvadratmetrin orta qiyməti 3% bahalaşaraq 1 338 ABŞ dollarına çatıb. Kirayə qiymətləri üzrə eniş tendensiyası iyun ayında da davam edib – bir kvadratmetrə orta qiymət 9.4 ABŞ dolları olub.
Galt & Taggart tərəfindən aparılmış dezinvestor sorğusuna əsasən (bu, ilkin bazar tendensiyalarını real vaxtda əks etdirir), 2025-ci ilin iyununda ilkin bazarda satışlar ötən ilin iyun ayı ilə müqayisədə 13% artıb ki, bu da əsasən ötən ilin aşağı baza göstəriciləri ilə əlaqədardır. Lakin satışlar mayda baş verən artımdan sonra iyun ayında yenidən azalıb. Ümumilikdə 2025-ci ilin ilk yarısında satışlar əvvəlki ilin eyni dövrü ilə müqayisədə 3.6% artıb. İlk 6 ayda Tbilisidə ümumilikdə 19 131 mənzil satılıb və onların ümumi dəyəri 1.5 milyard ABŞ dolları təşkil edib. Bu, illik müqayisədə təxminən 6% artım deməkdir.
Təklifə gəlincə, 2025-ci ilin iyununda ümumi yaşayış sahəsi 92 244 m² olan 10 yaşayış layihəsi üçün icazə verilib (bu, ötən ilin aşağı baza göstəricisinə görə illik müqayisədə 25.2% artımdır). Lakin ümumilikdə ilin ilk yarısında verilən icazələrin həcmi illik müqayisədə 0.4% azalıb.
Galt & Taggartın məlumatına əsasən, 2025-ci ilin iyununda ilkin bazarda kvadratmetrin orta qiyməti may ayında baş verən enişdən sonra 0.5% artaraq 1 338 ABŞ dollarına çatıb. Eyni zamanda, 2013-cü ildən sonra verilmiş icazələr əsasında tikilən layihələri əhatə edən ikinci bazarda da qiymətlər may ayı ilə müqayisədə 0.2% artaraq 1 256 ABŞ dolları təşkil edib.
İyunda Tbilisidə orta ölçülü (50–60 m²) bir mənzilin aylıq kirayə haqqı 1.2% artaraq kvadratmetrə görə 9.4 dollar olub ki, bu da ötən ilin iyun ayındakı qiymətdən 4.9% aşağıdır.
mənbə: marneulifm
