Əvvəllər məhkum olunmuş şəxs avtomobil qarət etdiyi üçün tutulub

Gürcüstan Daxili İşlər Nazirliyinin   əməkdaşları tərəfindən həyata keçirilən əməliyyat nəticəsində soyğunçuluqda ittiham olunan şəxs saxlanılıb.

Xeber.ge xeber  verir ki, saxlanılan şəxs — 1969-cu il təvəllüdlü M.M. əvvəllər də məhkumluq həyatı yaşayıb.

  İstintaqla müəyyən edilib ki, təqsirləndirilən şəxs K.M.-ə məxsus minik avtomobilini qanunsuz olaraq ələ keçirib və hadisə yerindən uzaqlaşıb.

 Polisin keçirdiyi təxirəsalınmaz əməliyyat-axtarış tədbirləri nəticəsində avtomobili qaçıran şəxs qısa müddətdə müəyyən edilərək "isti izlərlə" yaxalanıb.

  Faktla bağlı Gürcüstan Cinayət Məcəlləsinin 178-ci maddəsi (Soyğunçuluq) ilə cinayət işi başlanılıb. Hazırda istintaq hərəkətləri davam etdirilir.

Qeyd olunan maddə üzrə saxlanılan şəxsi 8 ilədək müddətə azadlıqdan məhrumetmə cəzası gözləyir.

.