Əfqan Sadıqov aclıq aksiyasına başlayıb
Onun həyat yoldaşının sözlərinə görə, azərbaycanlı jurnalist Əfqan Sadıqov quru aclıq aksiyasına başlayıb. Sadıqov 136 gündür aclıq aksiyası keçirir.
Sevinç Sadıqova insidentdə İlham Əliyev və Bidzina İvanişvilini günahlandırır.
“Bidzina İvanişvili rejimi İlham Əliyevin siyasi sifarişlərini yerinə yetirir! Hər iki rejim xalq düşməni və qatildir”, - Sadıqovun həyat yoldaşı Facebook-da yazıb.
Sosial Ədalət Mərkəzinin məlumatına görə, yanvarın 31-də Gürcüstanın Baş Prokurorluğu Əfqan Sadıqova qarşı həbs qətimkan tədbiri kimi istifadə edilən ekstradisiya həbsinin daha 3 ay müddətinə uzadılmasını xahiş edib. Məlumata görə, Tbilisi Şəhər Məhkəməsi bu gün prokurorun vəsatətini təmin edib və Sadıqovun barəsində seçilmiş həbs-qətimkan tədbiri seçilən ekstradisiya həbsinin müddətini mayın 3-dək uzadıb.
Əfqan Sadıqov sentyabrın 21-dən Tbilisidəki istintaq təcridxanasında aclıq aksiyası keçirir. Tbilisi təcridxanasında aclıq aksiyasının 17-ci günündə Sadıqovun vəziyyəti pisləşib və xəstəxanaya aparılıb.
Sadıqov avqustun 3-də Tbilisidə saxlanılıb. Gürcüstan tərəfinin məlumatına görə, Sadıqov hədə-qorxu yolu ilə tələb etmə ilə bağlı cinayətlərə görə Azərbaycan tərəfindən axtarışa verilib. Ailəsi və hüquq müdafiə təşkilatları, eləcə də müstəqil media onun həbsini İlham Əliyev hakimiyyətinin siyasi təqibləri ilə əlaqələndirirlər.
mənbə: marneulifm
