Uzun məsafəli mikroavtobus daşımalarına qoyulan qadağa yenidən təxirə salındı

2026-cı il yanvarın 1-dən qüvvəyə minməli olan sərnişin mikroavtobusları ilə uzun məsafələrə hərəkətin qadağan edilməsi hökumətin 31 dekabr tarixli qərarı ilə yenidən təxirə salınıb.

Xeber.ge xeber  verir ki, dəyişikliklər “Avtovağzal və avtodayanacaqların fəaliyyət qaydaları və şərtləri haqqında” texniki reqlamentə aiddir. Həmin sənəddə hələ 2024-cü ildə qeyd olunmuşdu ki, şəhərlər və yaşayış məntəqələri arasında 150 kilometrdən artıq məsafədə sərnişinlər yalnız M3 kateqoriyalı, minimum “EURO IV” standartına uyğun olan və ya yaşı 20 ildən çox olmayan avtobuslarla daşınmalıdır.

Qaydalar ilkin olaraq 2025-ci il martın 1-dən qüvvəyə minməli idi, daha sonra 2026-cı ilə təxirə salındı, indi isə müddət bir daha dəyişdirildi.