Tbilisidə və regionlarda silah-sursatın qanunsuz saxlanılmasına görə 7 nəfər saxlanılıb
Daxili İşlər Nazirliyinin (DİN) Tbilisi, Mərkəzi Kriminal Polis, Patrul Polis, Acarıstan, İmereti və Sameqrelo–Yuxarı Svaneti polis departamentlərinin əməkdaşları müxtəlif vaxtlarda keçirdikləri əməliyyat tədbirləri nəticəsində Tbilisidə və regionlarda qanunsuz odlu silah və sursat ələ keçirib, 7 nəfəri saxlayıblar.
Bu barədə Daxili İşlər Nazirliyi məlumat yayıb.
Nazirliyin məlumatına görə, saxlanılan şəxslər arasında əvvəllər məhkum olunmuş şəxslər də var. Onlar qanunsuz odlu silah və sursat əldə etməkdə, saxlamaqda və gəzdirməkdə ittiham olunurlar.
Aparılan şəxsi axtarışlar və evlərdə, həmçinin avtomobillərdə keçirilən yoxlamalar zamanı sübut kimi müxtəlif tipli odlu silahlar, o cümlədən tapançalar, revolverlər, əl qumbarası, patronlar və daraqlar müsadirə olunub.
Qanunvericiliyə görə, bu cinayətlərə görə 7 ilə qədər azadlıqdan məhrumetmə cəzası nəzərdə tutulur. Faktla bağlı istintaq Gürcüstan Cinayət Məcəlləsinin 236-cı maddəsi üzrə davam etdirilir.
mənbə: Intrepress.ge
