Gürcüstanla bağlı: biz getdikcə daha çox sanksiyalar görəcəyik

Bu gərginliyin fonunda düşünürəm ki, biz Amerika və Avropadan getdikcə daha çox sanksiyalar görəcəyik, çünki belə görünür ki, Gürcüstan  hökuməti Avropa İttifaqına daxil olmaq yolunda əlini çəkib.

Bu barədə  ABŞ dövlət katibinin Avropa və Avrasiya məsələləri üzrə keçmiş müavini Metyu Brayza “Amerikanın Səsi”nə müsahibəsində deyib.

"Rusiya bu seçkilərə müdaxilə etdimi? Bunun heç bir tutarlı sübutum yoxdur. Bəs biz necə düşünə bilərik ki, Rusiya [Gürcüstan seçkilərinə] müdaxilə etməyib? Onlar ölkənin 20%-dən çoxunu işğal etdilər; Onlar ölkəni işğal etdilər; Gürcüstanda Rusiya ilə münasibətləri bərpa edən hakimiyyət var; Anakliya limanını ləğv etdi və Rusiyanın istədiyi çox şeyi etdi.

[Gürcüstan] bir yerdə ilişib qalıb. Aydındır ki, hökumət Aİ-yə üzvlük yolunda irəliləyişə nail olmaq istəmir. Gürcü xalqının çoxu bunu həqiqətən istəyir. Deməli, bu, cəmiyyətdə dərin ziddiyyət yaradır.
Bəlkə də buna görə Medvedyevdən belə bəyanatlar eşidirik, o, prezident Zurabişvilinin son bir neçə ildə Gürcüstanın Aİ-yə üzvlüyü üçün mübarizə apardığını bildiyi üçün əsəbidir. Ona görə də düşünürəm ki, hər şey hansısa siyasi mübahisəyə gətirib çıxarır. Bunun fiziki qarşıdurmaya çevrilməməsi və küçəyə sıçramaması üçün dua edirəm. Bununla belə, hamımız Gürcüstanın yaxın tarixini də bilirik. Ümid edirəm ki, hər iki tərəfin sakitləşəcəyi yol tapılacaq və danışıqlar prosesi mümkün olacaq”.- Braze bildirib.

mənbə: interpress