Gürcüstanın strateji valyuta ehtiyatları 7,1 milyard dollara çatıb

2026-cı ilin iyun ayında Gürcüstan Milli Bankı valyuta bazarındakı mövcud vəziyyətdən istifadə edərək beynəlxalq valyuta ehtiyatlarını artırmağa davam edib.

Bu barədə ölkənin Milli Bankı məlumat yayıb.

Məlumata görə, iyun ayında Milli Bankın xalis valyuta alışları 612,6 milyon ABŞ dolları təşkil edib. Nəticədə iyun ayının sonuna ölkənin beynəlxalq valyuta ehtiyatlarının ümumi həcmi 7,1 milyard ABŞ dollarına yüksəlib.

Milli Bankdan qeyd edilib ki, beynəlxalq valyuta ehtiyatları ölkənin makroiqtisadi sabitliyinin əsas təminatlarından biridir. Bu səbəbdən qurum bazar şəraiti əlverişli olduqda ehtiyatların artırılması siyasətini ardıcıl şəkildə davam etdirir.

Bildirilib ki, iyun ayında Bmatch platformasında həyata keçirilən valyuta müdaxilələri nəticəsində ehtiyatlar 612,6 milyon ABŞ dolları artırılıb. Ümumilikdə isə 2026-cı ilin yanvar–iyun aylarında Milli Bankın xalis valyuta alışları 2 milyard 78,4 milyon ABŞ dolları olub.

 mənbə: report