Gürcüstana turist axını rekord həddə çatıb
Üçüncü rübdə beynəlxalq səfər edənlərin sayı 6,6% artaraq 2,9 milyon nəfərə çatıb.
Tbilisi, 13 oktyabr — Sputnik. Yanvar-sentyabr aylarında turist səfərlərinin sayı tarixi maksimuma çataraq 4,3 milyon olub ki, bu da ötən ilin eyni dövrü ilə müqayisədə 7,9% çoxdur. Bu barədə Milli Turizm Administrasiyası məlumat verib.
Xeber.ge xəbər verir ki, administrasiyanın məlumatına görə, həmin dövrdə beynəlxalq səfərlərin ümumi sayı 6,1 milyon təşkil edib ki, bu da 2024-cü ilin yanvar-sentyabr ayları ilə müqayisədə 5,4% artım deməkdir.
Bundan əlavə, iyul-sentyabr aylarında beynəlxalq turist səfərlərinin sayı rekord həddə çataraq 2 milyon olub (+9%) və bu da tarixdə ən yüksək göstərici sayılır.
