DİN : Kaxetida baş vermiş qətl barədə məlumat yayır

Kaxetida qanlı hesablaşma - Daxili İşlər Nazirliyinin məlumatına görə, qəsdən adam öldürmə ittihamı ilə əvvəllər məhkum olunmuş 51 yaşlı L.Ç. (Levan Çitaşvili) saxlanılıb.

Xeber.ge xəbər verir ki, qurumun məlumatına görə, istintaqla müəyyən edilib ki, təqsirləndirilən şəxs Kvareli bələdiyyəsinin Şilda kəndində münaqişə zəminində soyuq silahdan istifadə edərək 1977-ci il təvəllüdlü N.A.-ya ölümcül xəsarət yetirib və hadisə yerindən qaçıb. Hüquq-mühafizə orqanlarının əməkdaşları tərəfindən həyata keçirilən istintaq tədbirləri nəticəsində təqsirləndirilən şəxs "isti izlərlə", cinayəti törətdikdən bir neçə saat sonra saxlanılıb.

İstintaq Gürcüstan Cinayət Məcəlləsinin 108-ci maddəsi (qəsdən adam öldürmə) ilə aparılır. Bu maddə 15 ilədək müddətə azadlıqdan məhrumetmə cəzasını nəzərdə tutur.