Batumidə bədbəxt hadisə: Ağır konstruksiya fəhlənin həyatına son qoyub

Gürcüstanın kurort şəhəri Batumidə fəaliyyət göstərən müəssisələrin birində ölümclə nəticələnən bədbəxt hadisə baş verib.

Xeber.ge xəbər verir ki, müəssisədə işləyən fəhlənin üzərinə ağır şüşə konstruksiya düşüb. Aldığı ağır xəsarətlər nəticəsində kişi hadisə yerindəcə dünyasını dəyişib.

Hadisə barədə ilk məlumatı yerli "Ajara Times" nəşri yayıb. Faktla bağlı Gürcüstan Cinayət Məcəlləsinin 240-cı maddəsinin ikinci hissəsi (insan ölümünə səbəb olan təhlükəsizlik qaydalarının pozulması) ilə istintaq başladılıb.

Hazırda hüquq-mühafizə organları tərəfindən hadisənin başvermə səbəbləri və müəssisədə əmək təhlükəsizliyi normalarına riayət olunub-olunmaması araşdırılır.