Barda baş verən qətl hadisəsi ilə bağlı iki nəfər saxlanılıb
“Ratis Bar”da baş verən qətl hadisəsi ilə bağlı iki nəfər saxlanılıb.
Bununla bağlı DİN məlumat verib.
1989-cu il təvəllüdlü, əvvəllər müxtəlif ağır və xüsusilə ağır cinayətlər törətməkdə təqsirli bilinən İ.Q. qəsdən adam öldürmə, 1980-ci il təvəllüdlü R.P. isə xüsusilə ağır cinayət barədə məlumat verməmək ittihamı ilə saxlanılıb.
Daxili İşlər Nazirliyindən verilən məlumata görə, araşdırma zamanı müəyyən edilib ki, saxlanılan şəxslərdən biri 2006-cı il təvəllüdlü A.Ş.-yə bıçaqla xəsarət yetirərək hadisə yerindən qaçıb. R.P. isə qətlin şahidi olsa da, cinayət barədə polisə məlumat verməyib.
Faktla bağlı Cinayət Məcəlləsinin 108 və 376-cı maddələri ilə araşdırma aparılır.
Cinayət 15 ilə qədər həbslə cəzalandırılır.
mənbə: interpress
