Axaltsixedə məktəbin qarşısında uşağı maşın vurub

Gürcüstanın Axaltsixe şəhərində azyaşlının xəsarət alması ilə nəticələnən yol-nəqliyyat hadisəsi baş verib. Hadisə 5 nömrəli dövlət məktəbinin yaxınlığında qeydə alınıb.

Xeber.ge xəbər verir ki, "TOK TV" regional media platformasına istinadən bildirir ki, hadisə barədə məlumatı "112" Təcili Yardım Xidməti təsdiqləyib.

Qəza nəticəsində xəsarət alan uşaq dərhal Axaltsixe Referal Hospitalına çatdırılıb. Hazırda onun vəziyyəti barədə rəsmi tibbi rəy açıqlanmasa da, şahidlərin sözlərinə görə, uşağın ayağı sınıb.

Faktla bağlı araşdırma aparılır, hadisənin başvermə səbəbləri müəyyənləşdirilir.