3–9 sentyabr tarixləri üçün hava proqnozu

3–9 sentyabr tarixlərində Gürcüstanda yay istilərini nisbətən sərin hava əvəz edəcək. Ölkə miqyasında mülayim və isti günlər gözlənilir, lakin bəzi rayonlarda qısamüddətli yağış və ildırım çaxması da mümkündür.

XEBER.GE xeber  verir ki, Tbilisi və Şərqi Gürcüstanda günlər əsasən isti keçəcək. Havanın temperaturu gündüz saatlarında təxminən 25–30°C həddində saxlanılacaq, gecə saatlarında isə nisbətən sərin hava müşahidə olunacaq.

Qərbi Gürcüstanda Qara dənizin təsiri ilə hava daha rütubətli və dəyişkən olacaq. Batumi, Kobuleti, Poti və Zugdidi istiqamətində ayrı-ayrı günlərdə qısamüddətli yağış yağacağı ehtimal olunur, lakin isti hava şəraiti davam edəcək.

Dağlıq regionlarda temperatur əhəmiyyətli dərəcədə aşağı olacaq. Gündüz saatlarında temperatur təxminən 18–25°C təşkil edəcək, yüksək dağlıq rayonlarda isə hava daha da sərin keçəcək.