Yetkinlik yaşına çatmayanlar soyuq silahla taksi sürücüsünü qarət etdilər

Qrup halında törədilmiş qarət ittihamı ilə 5 yetkinlik yaşına çatmayan şəxs saxlanılıb.

Xeber.ge xeber  verir ki, bu barədə məlumatı DİN yayır.

Gela Geladzenin idarəsinin məlumatına görə, istintaqla müəyyən edilib ki, cinayətdə təqsirləndirilən yetkinlik yaşına çatmayanlar soyuq silahla, qrup halında xarici ölkə vətəndaşı olan taksi sürücüsünə hücum ediblər.

 Fiziki zorakılıq və öldürmə hədəsi nəticəsində təqsirləndirilənlər avtomobilin salonunda olan pulu qanunsuz olaraq ələ keçiriblər və hadisə yerindən qaçıblar.

Quldurluq hücumu zamanı xəsarət alan xarici ölkə vətəndaşı müvafiq tibbi yardım göstərilməsi məqsədilə klinikaya yerləşdirilib.

Daxili İşlər Nazirliyinin Tbilisi Polis Departamentinin Yetkinlik Yaşına Çatmayanların İşləri üzrə Baş İdarəsinin əməkdaşları həyata keçirilən operativ tədbirlər və istintaq hərəkətləri nəticəsində Tbilisidə 5 yetkinlik yaşına çatmayan şəxsi saxlayıblar.

Qrup halında törədilmiş qarət ittihamı ilə saxlanılanlar: 2009-cu il təvəllüdlü Q.A., 2008-ci il təvəllüdlü L.Z., 2007-ci il təvəllüdlü M.M., 2008-ci il təvəllüdlü L.Q. və 2008-ci il təvəllüdlü L.T.-dir.

Cinayət Cinayət Məcəlləsinin 179-cu maddəsi (qarət) ilə araşdırılır. Cinayət 9 ilədək azadlıqdan məhrumetmə cəzası nəzərdə tutur.