Polis Batumidə qrup zorakılığı ilə bağlı 4 nəfəri saxlayıb

Batumidə baş vermiş qrup zorakılığı ilə bağlı polis dörd nəfəri saxlayıb.

Bu barədə Daxili İşlər Nazirliyi bildirib.

Məlumata görə, həyata keçirilən kompleks əməliyyat tədbirləri və istintaq hərəkətləri nəticəsində Daxili İşlər Nazirliyinin Acarıstan Polis İdarəsinin Batumi şəhər bölməsinin əməkdaşları 2008-ci il təvəllüdlü N.V., 2011-ci il təvəllüdlü U.Ç., 2009-cu il təvəllüdlü S.K. və 2008-ci il təvəllüdlü D.Q.-ni iki şəxsə qarşı zorakılıq ittihamı ilə saxlayıblar.

Cinayət 2 ilə qədər həbslə cəzalandırılır.

“İstintaq müəyyən edib ki, bu il avqustun 28-də müttəhimlər Batumidə qrup halında iki şəxsə qarşı fiziki zorakılıq ediblər, bundan sonra onlar hadisə yerindən qaçıblar.

İş üzrə həyata keçirilmiş əməliyyat tədbirləri və istintaq hərəkətləri nəticəsində hüquq-mühafizə orqanlarının əməkdaşları cinayətdə iştirak edən 4 nəfəri təqsirləndirilən şəxs qismində tutublar.

Faktla bağlı müvafiq prosessual və istintaq hərəkətləri davam etdirilir.

Hadisə Gürcüstan Cinayət Məcəlləsinin 126-cı maddəsinin 1-ci hissəsi ilə araşdırılır", - məlumatda deyilir.

mənbə: interpress