Oktyabrın 1-dən Gürcüstanda sürücülük imtahanı çətinləşəcək

Oktyabrın 1-dən Gürcüstanda CE, DE kateqoriyaları və C1E, D1E altkateqoriyaları üzrə sürücülük vəsiqələrinin alınması üçün imtahanların praktiki hissəsi iki mərhələli olacaq.

Xeber.ge xəbər verir ki, bu barədə Daxili İşlər Nazirliyinin Xidmət Agentliyi məlumat yayıb. Yeniliklər “Yol hərəkəti haqqında” qanuna edilən dəyişikliklərə əsasən tətbiq edilir.
Sürücüliyə namizəd birinci mərhələdən uğurla keçdikdən sonra 365 təqvim günü müddətində praktiki imtahanın ikinci mərhələsində iştirak etmək hüququna malikdir.