Laqodexidə polis əməkdaşlarına qarşı zorakılıq: 3 nəfər saxlanılıb

Gürcüstanın Laqodexi rayonunda hüquq-mühafizə orqanlarının əməkdaşlarına qarşı müqavimət göstərilməsi və fiziki zorakılıq faktı qeydə alınıb.

Xeber.ge xeber  verir ki, Daxili İşlər Nazirliyi polisə qarşı qrup halında müqavimət göstərmə və zorakılıq törətmə ittihamı ilə üç nəfəri saxlayıb. Məlumata əsasən, saxlanılan şəxslər asayiş keşikçilərini təhqir edərək onlara fiziki xəsarət yetiriblər.

Saxlanılan 24, 34 və 35 yaşlı kişiləri törətdiyi əmələ görə 8 ilədək müddətə azadlıqdan məhrumetmə cəzası gözləyir. Faktla bağlı istintaq tədbirləri davam etdirilir.