Gürcüstanda bəzi şagirdlərə məktəbli forması pulsuz veriləcək

XEBER.GE xeber  verir ki, məktəbli formasını pulsuz alacaq uşaqların altı kateqoriyası bəlli oldu — Irakli Kobaxidze müvafiq qərarı avqustun 3-də imzalayıb.

Məktəbli formaları aşağıdakı şəxslərə pulsuz veriləcək:

Sosial baxımdan müdafiə olunmayan ailələrin vahid məlumat bazasında qeydiyyatda olan və ailələrinin reytinq xalı 65 001-dən az olanlara;

Himayədar tərbiyə dövlət proqramında iştirak edənlərə;

Kiçik ailə tipli evlərdə yerləşdirilənlərə;

Kimsəsiz uşaqlar üçün sığınacaq xidmətlərinə cəlb olunanlara;

Tbilisi uşaq evində yerləşdirilənlərə;

2022-ci il fevralın 24-də Ukraynada başlayan müharibə səbəbindən vətənə qayıda bilməyənlərə.

Məlumdur ki, oğlanlara 1 pencək və 2 şalvar, qızlara isə 1 pencək, 1 şalvar və 1 ətək veriləcək.