Gürcüstanda 8 kiloqramdan çox narkotik vasitə müsadirə edilib, bir nəfər saxlanılıb
Gürcüstan Daxili İşlər Nazirliyi genişmiqyaslı narkotik cinayətinin üstünün açıldığını açıqlayıb. Hüquq-mühafizə orqanlarının əməkdaşları külli miqdarda narkotik vasitələrin satışına yardım etməkdə şübhəli bilinən bir nəfəri saxlayıblar.
XEBER.GE xeber verir ki, nazirliyin məlumatına görə, istintaq tədbirləri nəticəsində saxlanılan şəxsin adına göndərilmiş bağlamadan 5 kiloqramdan çox mefedron və 3 kiloqrama yaxın alfa-PVP götürülüb.
Axtarış zamanı narkotik vasitələrin qablaşdırılması üçün materiallar, iki ov tüfəngi və döyüş sursatları da aşkarlanıb.
Faktla bağlı Gürcüstan Cinayət Məcəlləsinin 260-cı, 19-260-cı, 260-cı kvart və 236-cı maddələri ilə istintaq aparılır. Bu maddələr 20 ilədək və ya ömürlük azadlıqdan məhrumetmə cəzasını nəzərdə tutur.