Gürcüstan Aİ-yə vizasız girişi itirə bilər
Avropa İttifaqı Gürcüstanla vizasız rejimi dayandırmağı düşünür. Məsələ Aİ xarici işlər nazirlərinin görüşündə “hakim “Gürcü arzusu - Demokratik Gürcüstan” partiyası tərəfindən dinc etirazların yatırılması” fonunda müzakirə edilir.
Bu barədə diplomatik mənbələrə istinadən “Politico” nəşri məlumat yayıb.
Mənbələrin sözlərinə görə, vizasız rejimin dayandırılması Gürcüstan hökumətinə təzyiq alətlərindən biridir. Bununla belə, Aİ əvvəllər Tbilisi ilə dialoqu dəstəkləyən bir sıra üzv dövlətlərin müqaviməti ilə üzləşdiyi üçün bir neçə ay ərzində sərt addımlar atmaqdan yayınmışdı.
Gürcüstanda kütləvi etirazlar 2024-cü il noyabrın 28-də başlayıb. İlk həftə xüsusilə gərgin keçib - Tbilisidə bəzi etirazçılar polisə qarşı pirotexniki vasitələrdən istifadə ediblər, hüquq-mühafizə orqanlarının əməkdaşları su şırnaqları və gözyaşardıcı qazla cavab verib. Toqquşmalar yalnız Rustaveli prospektində gecə dağıdılmasından sonra başa çatıb.
Etirazlara baş nazir İrakli Kobaxidzenin hakim “Gürcü arzusu” partiyasının 2028-ci ilin sonuna kimi Aİ-yə üzvlük danışıqlarından və bütün Aİ qrantlarından çıxacağını elan etməsi səbəb olub. Kobaxidze Brüsseli “şantajda”, o cümlədən parlamentin qəbul etdiyi qanunların ləğvi tələbləri və Gürcüstan hökumətinə qarşı sanksiyalar tətbiq etmək çağırışları vasitəsilə ittiham edib.
mənbə: oxu24
