DTX: Uran almaq istəyən çinliləri həbs etdik

Dövlət Təhlükəsizlik Xidməti üç Çin vətəndaşını həbs edib - DTX bildirir ki, çinlilər Gürcüstanda 400.000 dollar dəyərində 2 kq uran almağı planlaşdırırdılar.

Xeber.ge xeber  verir ki, Mamuka Mdinaradzenin rəhbərlik etdiyi qurumun mətbuat brifinqində Laşa Maqradzenin dediyinə görə, çinlilər radioaktiv maddəni Rusiya vasitəsilə Çinə qanunsuz daşımağı planlayırdılar.

Bundan əlavə, istintaq çərçivəsində həbs olunan şəxslərin Tbilisi və Batumidəki müvəqqəti yaşayış yerlərində axtarış aparılıb.

İstintaq Cinayət Məcəlləsinin 230-cu maddəsinin birinci hissəsi ilə aparılır ki, bu da 10 ilədək həbs cəzası nəzərdə tutur", - deyə DTX rəisinin birinci müavini Laşa Maqradze qeyd edib.