Delisi metrosu yaxınlığındakı insidentlə bağlı uşaqların atası danışdı-VİDEO

Məşhur kadrlarda öz azyaşlı uşaqlarına qarşı zorakılıqda ittiham olunan kişi ilə ilk müsahibə. Uşaqların atası ittihamları absurdi adlandırır və zorakılığı qətiyyətlə təkzib edir.

XEBER.GE xeber  verir ki, kişi Sosial Xidmət Agentliyinə şəxsən müraciət edərək övladlarının uşaq sığınacağına yerləşdirilməsini xahiş edib. Onun sözlərinə görə, həddindən artıq ehtiyac içində yaşayır və uşaqları yedizdirmək imkanı yoxdur.

Sözügedən məsələ Delisi metro stasiyası yaxınlığında çəkilmiş foto və video kadrlarla bağlıdır. Sosial şəbəkələrdə vətəndaşlar uşaqlara qarşı ehtimal olunan zorakılığın şahidi olduqlarını yazmışdılar.

"Onlar öz aralarında dalaşırdılar, hər ikisi qardaşdır, daim dalaşırlar və mən də buna görə onlara hirslənirdim: 'Sakit olun, oturun' — sözə baxmırdılar, ona görə. Niyə vurmalıyam ki? Balacanın 4, digərinin 5 yaşı var, onları necə vura bilərəm? Anaları məni aldatdı, uşaqları vermək üçün sosial xidmətə müraciət etmişəm, amma indi yox deyə bilmədim. Bir həftədir Tbilisidəyik, həyat yoldaşım mənə yalan danışdı. İki uşağa tək baxa bilmirəm", — deyə kişi "TVPirveli"yə müsahibəsində bildirib.

Mövcud məlumatlara görə, uşaqların atasının bu gün dindirilmək üçün polisə çağırılacağı gözlənilir.