Batumidə Türkiyə tərəfindən axtarılan 2 cinayətkar silahla tutuldu

Daxili İşlər Nazirliyinin Acariya Polis Departamentinin əməkdaşları Türkiyə Respublikası tərəfindən axtarışda olan 2 nəfəri qrup halında qanunsuz olaraq odlu silah və döyüş sursatı əldə etmə, saxlama, gəzdirmə və sərhədi qanunsuz keçmə ittihamı ilə saxlayıblar.

XEBER.GE xəbər verir ki,məlumatı Daxili İşlər Nazirliyi yayır.

 Qurumun bildirdiyinə görə, saxlanılanların hər ikisi müxtəlif ağır cinayətlərə görə axtarışda olub.

Hüquq-mühafizə orqanlarının əməkdaşları təqsirləndirilən şəxslərin üzərində və müvəqqəti yaşayış mənzilində axtarış apararkən maddi sübut kimi odlu silah və döyüş sursatı, o cümlədən 2 tapança, 3 daraq və 129 patron götürüblər. Saxlanılan hər iki şəxsin müxtəlif ağır cinayətlərə görə axtarışda olduğu müəyyən edilir.

İstintaq Cinayət Məcəlləsinin 236-cı və 344-cü maddələri ilə aparılır ki, bu da 11 ilədək müddətə azadlıqdan məhrumetmə cəzasını nəzərdə tutur.