Baş prokurorun müavini Qiorqi Badaşvili vəzifəsindən gedib

Gürcüstanın baş prokurorunun müavini Qiorqi Badaşvili vəzifəsindən istefa verib. Onun vəzifədən getməsi ilə bağlı məlumat dünən, 4 iyun tarixində yayılıb.

Bu gün, 5 iyun tarixində, Prokurorluğun rəsmi vebsaytında məlumat yenilənib – artıq müavinlər siyahısında Badaşvilinin adı yoxdur.

Detalları dəqiqləşdirmək üçün Tabula Prokurorluqla əlaqə saxlayıb və məlumat təqdim olunacağı halda material yenilənəcək.

5 iyunda Gürcüstanın baş prokurorunun müavini vəzifəsinə Qiorqi Qvarakidze təyin olunub. O, baş prokurorun səlahiyyətlərini icra edəcək. Qvarakidze bundan əvvəl Tbilisi şəhər prokuroru vəzifəsində çalışırdı.

4 iyun tarixində məlum olub ki, Birləşmiş Krallıq tərəfindən sanksiyaya məruz qalan Gürcüstanın baş prokuroru Qiorqi Qabitaşvili vəzifəsindən istefa verib.

Parlament sədri Şalva Papuaşvili onu Dövlət Audit Xidmətinin rəhbəri vəzifəsinə təqdim edib. Baş auditor Cotne Kavlaşvili isə “Gürcü Arzusu”nun sədri İrakli Kobaxidzenin əmri ilə maliyyə naziri Laşa Xutsişvilinin müavini vəzifəsinə təyin olunub.

mənbə: marneulifm