Azərbaycandan Gürcüstana dəmir yolu ilə sərnişindaşıma BƏRPA OLUNACAQ?

Bu iddia ilə Gununsesi.info saytı məlumat yayıb.

Xeber.ge xəbər verir ki, ölkənin müvafiq qurumları arasında bununla bağlı razılıq əldə olunub.

Həmçinin qeyd olunur ki, aprel ayından etibarən Bakı-Tbilisi-Bakı qatarı yenidən istifadəyə veriləcək. 

Bəs görəsən, sözügedən məlumatlar nə dərəcədə həqiqəti əks etdirir?

"Azərbaycan Dəmir Yolları" (ADY) QSC-nin İctimaiyyətlə əlaqələr şöbəsinin əməkdaşı Bəxtiyar Hacıyev deyib ki, hazırda Azərbaycanın quru sərhədləri bağlı olduğu üçün beynəlxalq sərnişindaşıma dayandırılıb:

"Bildiyiniz kimi, Nazirlər Kabinetinin qərarı ilə Azərbaycanda xüsusi karantin rejimi davam edir və ölkənin quru sərhədləri bağlıdır. Bu səbəbdən qatarlarla beynəlxalq istiqamətdə sərnişindaşıma həyata keçirilmir".

mənbə: oxu.az