26 May tədbirinə hazırlıq işləri ilə əlaqədar Tbilisinin mərkəzi küçələrində nəqliyyatın hərəkəti məhdudlaşdırılıb
Gürcüstanın Müstəqillik Günü ilə əlaqədar tədbirlərə hazırlıq işlərinə görə son günlərdə Tbilisinin mərkəzi küçələrində nəqliyyatın hərəkəti mərhələli şəkildə məhdudlaşdırılır.
Bu barədə məlumatı Tbilisi meri yayıb.
Məlumata görə, məhdudiyyətlər həm şəxsi avtomobillərə, həm də ictimai nəqliyyata şamil olunur. Hərəkətə maneələr Qəhrəmanlar Meydanında, Rustaveli prospektində, Tabukaşvili küçəsində, Azadlıq Meydanında, Leonidze dönəcəyində, Kote Afxazi və Puşkin küçələrində müşahidə olunur. Həmçinin Kür çayının sağ və sol sahil yolları da yüklənib.
Şəhər meriyası vətəndaşlara xəbərdarlıq edərək, tətbiq olunan məhdudiyyətləri nəzərə almağa və şəxsi avtomobillə hərəkət zamanı alternativ yollardan istifadə etməyə çağırır.
Qeyd olunur ki, 24 may saat 20:00-dan etibarən Rustaveli prospektinin bir hissəsi — Gia Çanturia küçəsindən Azadlıq Meydanınadək olan yol sahəsi bağlanacaq. Həmin vaxt hərəkət yalnız Baratashvili körpüsünün pəndusuna və Çanturia küçəsinə qədər mümkün olacaq.
24 may saat 14:00-dan 27 may saat 03:00-dək Atoneli və Vaxtanq Orbeliani küçələrində avtomobil hərəkətinə məhdudiyyət qoyulacaq.
Müstəqillik Günü olan 26 may tarixində isə gün ərzində Azadlıq Meydanı, Rustaveli prospekti, həmçinin Atoneli və Vekua küçələrində hərəkət tamamilə dayandırılacaq.
Tədbirlər başa çatdıqdan sonra nəqliyyatın hərəkəti adi rejimdə bərpa olunacaq.
mənbə: interpress
