Yəmən İsrailin ən böyük elektrik stansiyasını vurdu-Video
Xeber.ge xəbər verir ki, Yəmən Silahlı Qüvvələri, bu gün, bazar günü, Yəmənin “Fələstin 2” adlı hipersəs balistik raketlə İsrailin işğal altındakı Hayfa bölgəsinin cənubunda yerləşən “Orot Rabin” elektrik stansiyasını hədəf aldığını açıqlayıb.
Hərbi qüvvələrin sözçüsü, general-mayor Yəhya Səri, əməliyyatın uğurla həyata keçirildiyini və bunun Qəzzadakı qırğınlara cavab olaraq, “Vəd edilmiş Fəth və Müqəddəs Cihad” əməliyyatlarının beşinci mərhələsində həyata keçirildiyini bildirib. O, həmçinin Yəmənin rəhbərliyi, xalqı və ordusunun, “zülm altında olan Fələstin xalqına qarşı dini, əxlaqi və humanitar vəzifələrini yerinə yetirməkdə davam etdiyini” vurğulayıb.
General Səri, Qəzzadakı mücahidlərlə hərbi dəstək əməliyyatlarının davam edəcəyini, hərbi qabiliyyətlərin inkişaf etdiriləcəyini və İsrailin Qəzzaya hücumlarını dayandırmağa və blokadanı qaldırmağa məcbur edəcək hədəflərə çatılacağını bildirib.
İsrail mətbuatının məlumatına görə, şənbə gecəsi ilə bazar günü arasında İsrailin mərkəzində böyük bir partlayış səsi eşidilib və Yəməndən İsrailə raket atıldığı qeyd edilib.
Keçən cümə günü isə Yəmən Silahlı Qüvvələri, İsrailin işğal altında olan Yafa (“Təl-Əviv”) bölgəsində iki hədəfə qarşı hərbi əməliyyatlar həyata keçirdiyini açıqlamışdı.
Vurulan elektrik stansiyası haqqında nə məlumdur?
Orot Rabin Elektrik Stansiyası İsrailin ən böyük elektrik stansiyasıdır və enerji sektorunda mühüm rol oynayır. Stansiya, Hifa şəhərinin şimalında yerləşir və əsasən elektrik enerjisi istehsal edir. 2024-cü ildə Orot Rabin, kömürdən təbii qaza keçib. Burada yeni qurğuların qaz istehlakı saatda təxminən 240,000 kubmetr təşkil edir və hər bir qurğu 630 MW elektrik enerjisi istehsal edir.
mənbə: az.shafaqna.com
