Sameqrelo polisi 3 nəfəri saxlayıb

Daxili İşlər Nazirliyinin məlumatına görə, Sameqrelo–Yuxarı Svaneti Polis Departamentinin Zuqdidi, Mestia və Çxorotsqu rayon şöbələrinin

əməkdaşları müxtəlif vaxtlarda keçirdikləri əməliyyat-axtarış tədbirləri və istintaq hərəkətləri nəticəsində odlu silah və döyüş sursatını qanunsuz əldə

etmə, saxlama və gəzdirmədə şübhəli bilinən üç nəfəri – 1992-ci il təvəllüdlü G.M.-i, 1971-ci il təvəllüdlü G.D.-ni və 1947-ci il təvəllüdlü A.Z.-nisaxlayıblar.

Xeber.ge xəbər verir ki, nazirliyin məlumatına əsasən, bu cinayətlər 7 ilədək azadlıqdan məhrum etmə cəzası nəzərdə tutur.
“Polis əməkdaşları saxlanılan şəxslərin üzərinə, yaşadıqları evlərə, köməkçi tikililərə və avtomobillərinə baxış zamanı maddi sübut kimi müxtəlif növ odlu silahlar və döyüş sursatı aşkar ediblər. Onların arasında 2 avtomatik silah, 7 daraq, 164 güllə, revolver, tapança, tək lüləli tüfəng, kapsul-detonatorlar və partlayıcı maddə – trotil olub.
Faktla bağlı istintaq Gürcüstan Cinayət Məcəlləsinin 236-cı maddəsinin 3-cü və 4-cü hissələri ilə aparılır”, – deyə məlumatda bildirilir.