Rusiyanın ən böyük məscidi: Moskva Böyük Məscidi
Qızıl günbəzlərin paytaxtında unikal tikili olan Moskva Böyük Məscidi Rusiya müsəlmanlarının dini kimliyinin qorunub saxlanmasında mühüm rol oynayır.
“Hespress” saytının məlumatına görə, Moskva Böyük Məscidi Rusiyanın paytaxtı, “qızıl günbəzlər şəhəri” ləqəbli Moskvada dinlərarası tolerantlığı təbliğ etməklə yanaşı, müsəlmanların mənəvi dəyərlərə riayət etmələrini təmin edir.
Qızılı günbəzi və göz qamaşdıran memarlığı ilə qəlbləri fəth edən bu tikilidə Rusiya müsəlmanları İslam dininə mənsub olanlar arasında coğrafi, mədəni və etnik fərqləri aradan qaldıraraq dua etmək üçün bir araya gəlirlər.
Bu məscid hər tərəfə səpilən bəzək və xalçalarla gözəlliyini ikiqat artıraraq mənəvi mənzərə saçır. BUrada ərəb və rus ləhcələri ilə qarışan, özünəməxsus dindarlığın izlərini daşıyan azan səsi və Quran tilavəti də var.
1904-cü ildə çarlar dini azlıqlara ibadət yerləri tikməyə icazə verdikdə tikilən məscid 2015-ci ildə prezident Vladimir Putin tərəfindən bir çox milli və beynəlxalq siyasi və diplomatik xadimlərin iştirakı ilə yenidən tikilib və açılışı olub.
Altı mərtəbəli yeni bina ibadət üçün 10 000-dən çox insanı qəbul etmək gücünə malikdir və böyük dini bayramlarda 200 000 nəfəri qəbul edə bilər. Bu gün Moskvada üç milyondan çox müsəlman yaşayır, Dağıstan, Çeçenistan, Tatarıstan və digər bölgələrdə isə müsəlmanlar əhalinin əksəriyyətini təşkil edir.
Rusiya Müsəlmanları Dini İşlər İdarəsinin sədr müavini Eldar Əliyev bu məscidin müsəlmanların öz mənəvi dəyərlərinə riayət etmələrini təmin etdiyini, dinlərarası dialoqu gücləndirdiyini vurğulayıb. O, bir çox qlobal İslam təşkilatları, xüsusilə Mərakeş Dini İşlər və Vəqflər Nazirliyi ilə əməkdaşlıq etdiyini, Rusiyada keçirilən Quran hifzi yarışlarında mərakeşlilərin fəal rol oynamasını da yüksək qiymətləndirib.
Bundan əlavə, Rusiya Dini İşlər İdarəsinin rəis müavini bəyan edib ki, administrasiya çoxsaylı fəaliyyət və tədbirlər vasitəsilə ölkədə dinlərarası dialoqun inkişafı üçün səylər göstərir.
O, həmçinin vurğulayıb ki, administrasiya bütün beynəlxalq fəaliyyətində başqa dinlərin nümayəndələrinin də yer almasını təmin etmək əzmindədir.
Köməkçi vurğulayıb ki, Moskva Böyük Məscidi müsəlmanların Rusiya Federasiyasında iqtisadi, siyasi, sosial və hətta hərbi həyatın bütün sahələrində inteqrasiyasında mühüm rol oynayır.
mənbə: iqna
