Qəzzada şəhidlərin sayı 43 mini keçib

Xeber.ge xəbər verir ki, Fələstin Səhiyyə Nazirliyi sionist rejimin Qəzza zolağında həyata keçirdiyi hücumlarda şəhid olan fələstinlilərin sayının 43 min 20 nəfərə yüksəldiyini bildirib

Beynəlxalq ictimaiyyətin reaksiyalarına rəğmən bölgədə intensiv hücumlarını davam etdirən işğalçı qüvvələr, bölgədə dinc əhalini hədəfə alaraq genişmiqyaslı soyqırım fəaliyyəti həyata keçirir.
Fələstin Səhiyyə Nazirliyinin bəyanatında sionist rejim ordusunun son 24 saat ərzində həyata keçirdiyi 5 hücumda 96 fələstinlinin həyatını itirdiyi, 277 fələstinlinin isə yaralandığı qeyd edilib.
Nazirlik bildirib ki, sionist rejimin Qəzza zolağında həyata keçirdiyi hücumlarda şəhid olan fələstinlilərin sayı 43 min 20 nəfərə, yaralıların sayı isə 101 min 110 nəfərə çatıb.

mənbə: az.shafaqna.com