Qrup halında zorakılığa görə daha 4 nəfər saxlanılıb

Xeber.ge xəbər verir ki, Tbilisi polis əməkdaşları qrup halında zorakılığın təşkilində və iştirakında ittiham olunan daha 4 nəfəri, o cümlədən 1996-cı il təvəllüdlü Jako Çarkvianini saxlayıblar. Həmçinin 2000-ci il təvəllüdlü L.Q., 1999-cu il təvəllüdlü D.P. və 1995-ci il təvəllüdlü D.K. tutulublar.

Eyni iş üzrə artıq “Gürcü Arzusu”nun tərəfdarı Manço Giorqobiani də zorakılığın təşkilinə görə saxlanılıb. Onlara qarşı irəli sürülən ittihamlar 9 ilədək azadlıqdan məhrumetmə cəzası nəzərdə tutur.

İstintaqın məlumatına görə, 2 noyabr gecəsi Manana Giorqobiani Tbilisidəki supermarketin iki əməkdaşını təhqir edib və daha sonra tanışı J.Ç.-yə zəng vurub. J.Ç. dostları ilə hadisə yerinə gəlib, mağaza işçilərini bayıra çıxararaq, onlara qrup halında fiziki zorakılıq göstəriblər.

Araşdırma cinayəti törədən daha bir şəxsin müəyyənləşdirilməsi istiqamətində davam edir.

Bundan əlavə, istintaq zamanı J.Ç.-yə məxsus, qanunsuz saxlanılan odlu silah və döyüş sursatı götürülüb: 2 avtomat, ov tüfəngi və 110 ədəd patron.

İstintaq Cinayət Məcəlləsinin 126-cı və 225-ci maddələri ilə — qrup halında zorakılıq və onun təşkilinə görə — aparılır.