Mask Tramp üçün 200 milyon dollar xərcləyib
İlon Maskın siyasi komitəsi “America PAC” prezidentlik kampaniyası zamanı Respublikaçı namizəd Donald Trampı dəstəkləmək üçün təxminən 200 milyon dollar xərcləyib.
Xeber.ge xəbər verir ki, bu barədə “Assoşeyted Press” mənbələrə istinadla məlumat yayıb.
Məlumata görə, pullar əsasən nadir hallarda səs verən vətəndaşları və ilk dəfə seçkilərdə iştirak edən seçiciləri cəlb etmək üçün ayrılıb.
“Bu, ABŞ-da milyarderlərin seçkilərə necə təsir göstərə biləcəyinə dair yeni standart müəyyən etdiyini göstrərir", - agentlik bildirib.
Qeyd olunub ki, Tramp prezidentlik yarışı zamanı Maskın köməyini yüksək qiymətləndirib və ola bilsin ki, milyarder yenbi administrasiyada əsas rollardan birini oynayacaq.
mənbə: axar.az
