Kutaisidə maşın soymağa cəhd edən keçmiş məhkum saxlanılıb

Daxili İşlər Nazirliyinin İmereti Polis Departamentinin əməkdaşları əvvəllər məkum olunmuş və hazırda şərti cəza çəkən bir kişini oğurluğa cəhd ittihamı ilə saxlayıblar.

XEBER.GE xəbər verir ki, Qurumun bildirdiyinə görə, həmin şəxs saxlanılmış avtomobili qarət etməyə cəhd göstərib. Cinayət 7 ilədək müddətə azadlıqdan məhrumetmə cəzasını nəzərdə tutur.

İstintaqla müəyyən edilib ki, təqsirləndirilən şəxs Kutaisidə, gecə gec saatlarda yaşayış binalarından birinin yaxınlığında saxlanılmış avtomobili qarət etməyə cəhd edib, lakin niyyətini həyata keçirə bilməyərək hadisə yerindən qaçıb.

Polis keçirilmiş əməliyyat və istintaq tədbirləri nəticəsində cinayəti törədən şəxsi təqsirləndirilən şəxs qismində saxlayıb. Hüquq-mühafizə orqanlarının əməkdaşları cinayət alətlərini maddi sübut kimi götürüblər.

Məsələ ilə bağlı cinayətdə ehtimal olunan digər şəxslərin müəyyən edilib saxlanılması məqsədilə istintaq tədbirləri davam etdirilir.

İstintaq Cinayət Məcəlləsinin 19-177-ci maddəsinin 3-cü hissəsinin "d" bəndi ilə aparılır ki, bu da 7 ilədək müddətə azadlıqdan məhrumetmə cəzasını nəzərdə tutur.