Hz.Peyğəmbərin (s) adı Britaniyanı “fəth etdi”

Əziz İslam Peyğəmbərimizin (s) mübarək adı – “Muhammad” (“Məhəmməd”) adı 2023-cü ildə Britaniyada oğlan uşaqlarına verilən ən məşhur ad olub.

Xeber.ge xəbər verir ki, bu barədə bu barədə Britaniyanın Milli Statistika İdarəsi məlumat verib.

Qeyd edək ki, “Məhəmməd” adı 2016-cı ildən bəri ölkədə ən məşhur 10 addan ikincisi idi, lakin indi bu ad artıq 1-ci yerdədir.

“Mohammed” and “Mohammad” ad versiyaları isə 100 ən məşhur adlar sırasındadır.

Belə ki, 2023-cü ildə 4 661 uşağa “Muhammad” adı (1-ci yer), 1 601 uşağa “Mohammed” (28-ci yer), 835 uşağa isə “Mohammad” (68-ci yer) adı verilib.

“Noah” (“Nuh”) adı 2-ci yerdə, “Oliver” adı isə 3-cü yerdədir. Həmçinin 2023-cü ildə 3 494 uşağa “George” (“Corc”) (4-cü yer) adı verilib.

“Oliviya” adı isə artıq 8 ildir ki, ən məşhur qız adıdır. 2-ci və 3-cü yerlərdə isə “Ameliya” və “İsla” adları gəlir.

mənbə: az.shafaqna.com