Gürcüstanın sabiq nazir müavini 10 il müddətinə həbs olunub

Gürcüstanın iqtisadiyyat və dayanıqlı inkişaf nazirinin keçmiş müavini Romeo Mikautadze 10 il müddətinə azadlıqdan məhrum olunub.

Hökmü Tbilisi Şəhər Məhkəməsi elan edib. Qərarla sabiq nazir müavini 2 il müddətinə dövlət vəzifələrində çalışmaq hüququndan da məhrum edilib. Onun həmçinin Gürücüstanda və İspaniyadakı bir sıra əmlakları, "Naxiduri" SES-dəki 15%-lik payı da müsadirə olunub.

Qeyd edək ki, Romeo Mikautadze ötən ilin iyununda saxlanılıb. O, vəzifə səlahiyyətlərindən sui-istifadədə və milyonlarla lari məbləğində qeyri-qanuni gəlirin leqallaşdırılmasında ittiham olunurdu.

Xatırladaq ki, Mikautadze 2021-2022-ci illərdə Gürcüstanın iqtisadiyyat və dayanıqlı inkişaf nazirinin müavini, 2022-2024-cü illərdə isə birinci müavini vəzifəsini tutub.

mənbə: apa