Gürcüstanda isti hava saxlanılacaq, lakin bəzi günlərdə yağış gözlənilir

Yaxın günlərdə Gürcüstanda isti hava şəraiti qorunub saxlanılacaq, baxmayaraq ki, ayrı-ayrı günlərdə bəzi bölgələrdə yağıntı gözlənilir.

XEBER.GE xeber  verir ki, sentyabrın 15-də hava daha dəyişkən olacaq. Ayrı-ayrı rayonlarda, xüsusilə Qərbi Gürcüstanda qısamüddətli yağış yağacağı ehtimal edilir. Tbilisidə temperatur təxminən +30–31 dərəcə olacaq.

Sentyabrın 16-da yenə də qısamüddətli yağış və buludluluğun artması gözlənilir. Paytaxtda gündüz saatlarında hava temperaturu təxminən +29–32 dərəcə ətrafında olacaq.

Sentyabrın 17-də ölkənin əksər hissəsində nisbətən hava açılacaq və isti hava şəraiti qorunub saxlanılacaq.

Sentyabrın 18-dən yenidən buludluluq artacaq və ayrı-ayrı rayonlarda yağış yağacağı gözlənilir. Həftənin sonuna doğru isə temperaturun nisbətən enəcəyi ehtimal olunur.