Gürcüstanda havanın temperaturunda kəskin azalma gözlənilir

Milli Ətraf Mühit Agentliyinin məlumatına görə, 3 və 4 yanvar tarixlərində Gürcüstanda havanın temperaturunda kəskin azalma gözlənilir.

Kolxeti düzənliyində gecə temperaturu bəzi yerlərdə -8°, Şida Kartlidə isə -17°-yə qədər enə bilər. Bu, subtropik bitkilərə və üzüm bağlarına ciddi zərər vura bilər.

Güclü şaxta və buzlanma səbəbindən bəzi avtomobil yolları və magistral yolların müəyyən hissələrində hərəkət məhdudlaşdırıla, həmçinin elektrik ötürücü xətlərdə donmalar baş verə bilər (təhlükə səviyyəsi orta).