Gürcüstanda dizelin qiyməti tarixi maksimumu yenilədi

Gürcüstanda dizelin qiyməti tarixdə ilk dəfə olaraq 5 larini ötüb və yanacaq bazarında kəskin bahalaşma qeydə alınıb.

XEBER.GE xeber  verir ki, Gürcüstanda dizel yanacağının bir litrinin qiyməti 5 larini keçib ki, bu da ölkə tarixşünaslığında ən yüksək göstəricidir.

Son bir il ərzində benzin 35%, dizel isə 65% bahalaşıb; benzin orta hesabla 1.15 lari, dizel isə 1.95 lari bahalaşıb.

Yanacağın bahalaşması vətəndaşların yol xərclərini artırıb, məsələn, Tbilisi-Batumi istiqamətində minik avtomobili ilə səfər ötən illə müqayisədə təxminən 29–42 lari baha başa gəlir.

Dizelin rekord qiyməti daşınma və kənd təsərrüfatı işlərinə birbaşa təsir etdiyindən, ərzaq məhsullarının da bahalaşması riskini artırır.

2012-ci ildən bəri benzin təxminən 94%, dizel isə 123% bahalaşıb. Qiymət artımı milli valyutanın dəyərdən düşməsi, aksiz vergisinin artması, daşınma xərclərinin yüksəlməsi və yanacaq idxalındakı əngəllərlə əlaqədardır.